1983 йилнинг 3 январида Наманган вилоятининг Чуст туманида туғилган. Халқаро тоифадаги спорт устаси. Стол тенниси бўйича халқаро мусобақалар ғолиби. Жаҳон ўйинлари (Швеция, 1999 йил), "Универсиада-2000" мусобақалари ғолиби. Севара жуда ёшлигидан стол теннисига муҳаббат қўйган.

Устози ва оила аъзолари унинг катта спорт оламига кириб боришига замин яратишган. У олимпиада ўринбосарлари болалар ва ўсмирлар спорт даргоҳида сабоқ олган.

Иктидорли теннисчи қиз мамлакат биринчиликларида кетма-кет ютукларга эришгач, миллий терма жамоага таклиф этилди. Шундан сўнг Севара Қодирова Ўзбекистонда хизмат кўрсатган спорт устози Саидикром Бурхонхўжаев раҳбарлигида стол тенниси санъатини янада мукаммал ўзлаштира бошлади. У 1997 йили Японияда, 1998 йили Ҳиндистонда ёшлар ўртасида бўлиб ўтган халқаро мусобақаларда иштирок этиб, икки сафар ҳам кумуш медапга сазовор бўлди.

Севара Қодирова 1999 йили Фарғона шаҳрида бўлиб ўтган стол тенниси бўйича мамлакат чемпионатида иккинчи бор шоҳсупанинг олий поғонасига кўтарилди.

Иктидорли ёш теннисчи Севара Қодирова ўша йили терма жамоа таркибида Швециянинг Карлсборг шаҳрида бўлиб ўтган стол тенниси бўйича жаҳон биринчилигида фарғоналик Нилуфар Сотиволдиева билан бирга 16 ёшгача бўлган қизлар ўртасида биринчи ўринни эгаллади ва чемпионлик унвони ҳамда олтин медалга сазовор бўлди. Шуниси қизиқки, 2000 йили Наманганда бўлган ва машъаласини ёқиш Севара Қодировага насиб этган "Универсиада - 2000" мусобақалари финалида икки дугона бир-бирига қарши ўйнашди. Жуда ҳаяжонли ўтган бу учрашувда Севара Қодированинг кўли баланд келди. Унга Универсиаданинг олтин медали ва Президентимизнинг совғаси - "Тико" автомобили топширилди.

Ёрқин истеъдод соҳиби Севара Қодирова: - Менинг ҳаётимдаги энг унутилмас воқеа - Президент Ислом Каримов билан учрашиш шарафига муяссар бўлганимдир, - дейди. Давлатимиз раҳбари Узбекистан довруғини дунёга ёйишда ҳисса қўшаётган наманганлик теннисчи қизнинг келажагига умид ва ишонч билдирди, Жаҳон чемпиони эса Узбекистан ёшларининг ўсиб-улғайиши, камолоти ва дунё миқёсига чиқишида елкасини тутиб бераётгани учун Юртбошимизга ўзининг чуқур миннатдорлигини изҳор этди.

Наманган муҳандислик педогогика институтида таҳсил олаётган Севара Қодированинг орзулари бир дунё. Унинг жаҳон чемпионатларида қўлга киритган ғалабалари ҳақида ҳали кўп эшитасиз, деган умиддамиз.