1978 йилнинг 6 февралида туғилган. Бокс бўйича Марказий Осиё ўйинлари ғолиби, Осиё чемпиони, Сидней Олимпиадаси бронза медали совриндори. Гандбол билан шуғулланиб юрган Рустам Саидов 14 ёшга тўлганида боксга қизиқа бошлади.

Унинг боксчи сифатида дунёга танилишида самарқандлик машҳур боксчи Николай Анфимовдан сабоқ олиши, Ўзбекистонда хизмат кўрсатган спорт устози Михаил Романчукка шогирд тушиши муҳим аҳамият касб этган.

Рустам 1997 йили Самарқандда бўлиб ўтган мамлакат чемпионатида иккинчи ўринни эгаллади. 1998-1999 йилларда нуфузли мусобакаларда совриндорлар қаторидан ўрин олди ва мамлакат терма жамоасига қабул қилинди. 1999 йили Бишкекда Марказий Осиё ўйинларида ғалаба қозонди.

 

Тошкентда ўтган Осиё чемпионатида ғолиб бўлиб, Сидней олимпиа-дасида қатнашиш ҳуқуқини қўлга киритди.
Рустам XXVII ёзги Олимпия ўйинларида 91 килограммдан юқори вазн тоифасида қатнашди. Дастлаб мисрлик Ахмад Иброҳим Абдусамаддан 21:8 ҳисобида устун келди, кейинги учрашувда канадалик Артем Бинковскийни иккинчи раунддаёқ мағлубиятга учратди. Чунки бу вақтда ҳисоб 17:2 бўлиб, очколар фарқи 15 та-дан ошганди. Айнан шу ғалаба Узбекистан учун биринчи бронза медалини накд қилиб қўйди.

Ёш боксчимиз Олимпиаданинг бронза медали билан такдирландики, бунинг ўзи катта ғалабадир.

Янги асрнинг дастлабки йилини ҳам Рустам ғалаба билан бошлади. Чирчикда ўтган Ўзбекистон чемпионатида ғолиб чиқиб, жаҳон чемпионатида қатнашиш ҳуқуқини қўлга киритди. Мутахассислар фикрича, Рустам яқин келажакда дунё бокс юлдузларидан бирига айланади.