Манзуранинг отаси Жўрақул Иноятов Хатирчи туманидаги 10-болалар-усмирлар спорт мактабида стол тенниси бўйича мураббий булиб ишлайди. Шу боис қизини стол теннисидай жозибали ўйинга жуда эрта қизиқтира олди. 1995 йилдан буен Манзура республика мусобақаларида совринли ўринларни эгаллаб келмокда.

1997 йили Манзура Иноятова Ҳиндистонда ўсмирлар ўртасида бўлиб ўтган Осиё биринчилигида қатнашди. 1998 йили Москва (Россия) шаҳрида Бутунжаҳон ўсмирлар ўйинларида Саида Бурхонхўжаева билан ҳамкорликда бронза медалига сазовор бўлди. Бу пайтда Манзура эндигина 13 ёшга тўлган эди.

1999 йили у Швецияда ўтказилган Жаҳон ўйинлари ва Германияда бўлган Европа очиқ кубогида шоҳсупанинг юқори поғонасига кўтарилди, Ўзбекистон чемпионатида ғолиб чикди, 2000 йилда бу муваффақиятини яна такрорлади. Шунингдек, у катталар ўртасида Англия, Голландия, Гонконг каби мамлакатларда ташкил этилган нуфузли мусобақаларда юртимиз шаънини муносиб ҳимоя қилди.

1999 ва 2000 йиллар якунига кўра Манзура Ўзбекистоннинг умидли ёш спортчиларидан бири деб топилди.