Республикамизда ялпи ички маҳсулотнинг 12% таълим соҳасига йўналтирилади, чунки таълим давлат ривожланишининг асосий тамойилларидан биридир. Шунинг учун ҳам, янги «Таълим» бўлими порталимизнинг асосий бўлимларидан бири ҳисобланади.

Бўлимда келтирилган маълумотлар ўқитувчилар, мактаб, колледж ва лицей ўқувчилари, талабалар ва уларниг ота-оналари учун мўлжалланган.

Ушбу бўлимда Республикамизнинг таълим тизимининг таҳлили олиб борилган бўлиб, ҳар бир таълим босқичининг мактабгача таълимдан бошлаб, олий ўқув юртидан кейинги таълимгача, статистик маълумотлар ва қонунчилик базаси келтирилган.

Бу каби маълумотларни тақдим этиш, таълим соҳасига бефарқ бўлмаган шахсларнинг таълим олиш, мавжуд бўлган нормалар ва ҳуқуқий базалар ҳақидаги маълумотларга эга бўлиш имкониятини яратади.

Шу билан бирга ушбу бўлимда таълимни бошқариш органлари, Ўзбекистон Республикаси Халқ таълими вазирлиги ва Ўзбекистон Республикаси Олий ўрта махсус таълим вазирликларининг ташкилий тизимлари билан ҳам танишиш мумкин.