ZiyoNET ресурс маркази тармоғининг мақсади ёшларимизда ватанпарварлик ҳиссини юксалтириш, шунингдек, мамлакат ҳудудидаги ноёб тарихий, маданий ва табиий обидаларни тиклаш ва асрашга эътиборни қаратишдан иборатдир. Шу муносабат билан "Ўзбекистоннинг 7 мўъжизаси" акцияси ўтказилмокда. Акцияни ўтказиш жараёни Fikr.uz сайтида ҳамда шахсий, жамоавий блогларда амалга оширилади.

Акция уч босқичда ўтказилади:

1. Ўзбекистоннинг мўъжизаси номига номзодларни қўйиш , уларни http://fikr.uz/blog/7chudes/ очик блогида ёки форумнинг махсус мавзуида эълон қилиш;
2. Тузилган рўйхат асосида номзодлар учун очик овоз бериш;
3. Тўпланган овозларнинг натижасини сарҳисоб қилиш, “Ўзбекистоннинг 7 мўъжизаси”ни танлаш ҳамда акция натижаларини интернет ва ОАВ ларида ёритиш.

Сизларни ушбу акцияда қатнашишга таклиф этамиз. Агар Сиз жаннатмакон Ўзбекистонимизнинг муқаддас қадамжоларини, бетакрор тарихий обидаларини билсангиз ва шонли тарихимиздан фахрлансангиз ушбу тадбирда фаол қатнашинг ҳамда соврин эгаси бўлинг.

Тадбир қоидалари билан мана бу ерда танишишингиз мумкин.

Ўзбекистоннинг 7 мўъжизасидан бирини бизга таклиф этинг ҳамда овоз бериш жараёнида, албатта, қатнашинг!